Trending News

રૂ. 200ની નવી નોટ ની ખાસિયતો

August 24, 2017

10મી કરન્સી નોટ

નવી દિલ્હીઃ દેશમાં પહેલી વાર રૂ. 200ની નોટ શુક્રવારે જાહેર થશે. રિઝર્વ બેંકે તેની જાણકારી આપી છે. આ સાથે નવી નોટનાં સેમ્પલ પણ જાહેર કરાયાં છે. અત્યારે આપણી પાસે 1, 2, 5, 10, 20, 50, 100, 500 અને 2000 રૂપિયાની નોટ છે. હવે 10મી નોટ તરીકે રૂ. 200ની નોટ પણ શુક્રવારથી આપણા હાથમાં હશે. આ પહેલાં બુધવારે સરકારે રૂ. 200ની નોટ જાહેર થશે તેવી પુષ્ટિ કરી હતી. જોકે એવું માનવામાં આવતું હતું કે, આ નોટ સપ્ટેમ્બરના પહેલા સપ્તાહ સુધીમાં આવશે, પરંતુ શુક્રવારે પહેલી વાર દેશમાં 100 અને 500 રૂપિયા વચ્ચેની નવી નોટ જાહેર થવા જઈ રહી છે.

જુઓ, શું છે આ નોટની ખાસિયતો


આગળનો ભાગ
1. બારીકાઈથી જોઈએ તો એક ઇમેજ દેખાશે, જેમાં 200 લખ્યું છે.
2. દેવનાગરીમાં २०० અંકિત છે.
3. મધ્યમાં મહાત્મા ગાંધીનો ફોટો છે.
4. ‘RBI’, ‘ભારત’, ‘India’ અને ‘200’ નાના અક્ષરોમાં અંકિત છે.
5. સિક્યોરિટી થ્રેડમાં ‘ભારત’ અને RBI લખેલું છે. નોટને હલાવશો તો તેનો રંગ લીલામાંથી ભૂરો થઈ જશે.
6. મહાત્મા ગાંધીના ફોટોની જમણી કિનારીએ ગેરન્ટી ક્લોઝ, પ્રોમિસ ક્લોઝની સાથે ગવર્નરના હસ્તાક્ષર અને આરબીઆઈનું પ્રતીક ચિહ્ન છે.
7. નોટના નીચલા હિસ્સામાં જમણી બાજુ રૂપિયાના પ્રતીક ની સાથે 200 આંક કલર બદલતી ઇંકથી લખવામાં આવ્યો છે, જેનો કલર બદલાઈને લીલામાંથી ભૂરો થઈ જશે.
8. ડાબી બાજુ ઉપરના ભાગે અને જમણી બાજુ નીચલા હિસ્સે આકારમાં નાનામાંથી મોટી થતી નંબર પેનલ.
9. જમણી બાજુ નીચલા હિસ્સામાં 200 લખ્યું છે, જેનો રંગ નોટને ઉપરનીચે હલાવતા લીલામાંથી વાદળી અને વાદળીમાંથી લીલો થઈ જાય છે.
10. જમણી બાજુ અશોક સ્તંભનું પ્રતીક ચિહ્ન છે.
11. નોટની ડાબી બાજુ અશોક સ્તંભનું પ્રતીક બનેલું છે.
12. આ સાથે તેમાં ઇલેક્ટ્રોટાઇપ વોટરમાર્ક પણ આપવામાં આવ્યું છે.

પાછળનો ભાગ

1. નોટની ડાબી બાજુએ છાપકામનું વર્ષ.
2. સ્વચ્છ ભારત અભિયાનનો લોગો.
3. વિભિન્ન ભાષાઓની પેનલ.
4. સાંચી સ્તૂપની આકૃતિ.
5. દેવનાગરી લિપિમાં ‘દો સૌ રૂપયે’ (२००)નું લખાણ.

પ્રજ્ઞાચક્ષુઓ માટે
નોટમાં અશોક સ્તંભ, મહાત્મા ગાંધી અને Hનું નિશાન બહારની તરફ ઉપસેલું છે, જેનાથી પ્રજ્ઞાચક્ષુઓને નોટની ઓળખ કરવામાં સરળતા રહેશે. નોટની આગળના હિસ્સામાં બંને બાજુએ વિશિષ્ટ નિશાન પણ છે.

VIA : iamgujarat

Post your Business Listing on Gujaratis.org Absolutely FREE!